सुदूरपश्चिममा सांसदलाई निर्वाचन क्षेत्र विकासमा ३ करोड बजेट

१ असार, काठमाडौं । सुदूरपश्चिम सरकारले प्रदेश संसदीय क्षेत्र पूर्वाधार विकास कार्यक्रममार्फत प्रदेशसभामा प्रत्यक्ष निर्वाचित सांसदलाई विकासमा खर्च गर्न पाउने गरी जनही ३ करोड रुपैयाँ दिने नीति लिएको छ । 

श्ुक्रबार प्रदेश अर्थमन्त्री नरेशकुमार शाहीले बजेट भाषणमार्फत यस्तो व्यवस्था गरेको जानकारी दिएका छन् । उनले निर्वाचन क्षेत्रका जनताको माग र आवश्यकता बमोजिम गुणस्तरीय भौतिक, पूर्वाधार विकास निर्माणका लागि यो कार्यक्रम ल्याइएको बताए । 

सांसदले सडक पूर्वाधारमा न्यूनतम् ५० लाख र अन्य पूर्वाधारमा २५ लाख गरेर प्रत्येक निर्वाचन क्षेत्रका लागि ३÷३ करोड छुट्याइएको जानकारी दिएका छन् ।

केन्द्र सरकारले जेठ १५ मा ल्याएको आर्थिक वर्ष २०८०÷८१ को बजेटमा प्रत्यक्ष निर्वाचित १६५ सांसदलाई आफ्नो निर्वाचन क्षेत्रमा इच्छानुसार विकासमा खर्च गर्न पाउने गरी प्रत्येक निर्वाचन क्षेत्रमा ५ करोडका दरले बजेट छुट्याएको थियो ।