प्राकृतिक विपद्मा ज्यान गुमाएका परिवारलाई सरकारले २ लाख रुपैयाँ राहत दिने

५ असार, काठमाडौं । सरकारले प्राकृतिक विपद्मा परी ज्यान गुमाएकाका परिवारलाई २ लाख रुपैयाँ राहत दिने घोषणा गरेको छ । प्रतिनिधिसभाको मंगलबारको बैठकमा उपप्धान तथा गहृमन्त्री नारायणकाजी श्रेष्ठले उक्त जानकारी दिएका हुन् । 

राष्ट्रिय विपद् जोखम तथा व्यवस्थापन प्राधिकरणको हालै बसेको बैठकले राहत दिने निर्णय गरेको हो । बैठकले एकै घर एक् भन्दा बढी व्यक्तिको निधन भएमा प्रतिव्यक्ति एक लाख रुपैयाँका दरले थप राहत दिने निर्णय भएको समेत जानकारी दिए । बाढी र पहिराेका कारण ताप्लेजुङ, पाँचथर, संखुवासभा र झापामा गरी १० जनाकाे ज्यान गएकाे र २८ जना बेपत्ता रहेकाे जनाए ।

यस्तै, प्राधिकरणअन्तर्गत विपद् पूर्वतयारी तथा प्रतिकार्य योजनाको बैठकले प्राकृतिक प्रकोप र विपद् न्यूनिकरण गर्नेबारे ठोस कार्ययोजना बनाएर जिल्लामा टिम तयारी हालतमा राखिएको समेत जानकारी दिए । विपद् व्यवस्थापन समितिअन्तगृत हरेक जिल्लामा प्रमुख जिल्ला अधिकारी अध्यक्षतामा जिल्ला विपद् व्यवस्थापन समिति रहेको छ । गृहमन्त्रालय मातहतका प्राधिकरणका अध्यक्षमा भने गृहमन्त्री रहने व्यवस्था छ ।

ताप्लेजुङ, पाँचथर, संखुवासभालगायत जिल्लामा अविरल वर्षापछि गएको बाढी पहिरोमा परी ज्यान गुमाएका सदस्यका परिवारलाई कोशी प्रदेश सरकारले प्रतिवार एक लाख रुपैयाँ राहत तत्काल दिने घोषणा गरिसकेको छ ।