कर्णाली किनारमा पहिचान नखुलेको एक पुरुषको शव फेला

१४ असार, काठमाडौं । कर्णाली नदीको किनारमा मासु सडेर हाड मात्रै बाँकी रहेको अवस्थामा एक पुरुषको शव फेला परेको छ । शवको पहिचान हुन सकेको छैन । 

राजापुर नगरपालिका–१० लालपुरस्थित कर्णाली नदीको किनारमा निलो रङको हाफ पाइन्ट मात्रै भएको शव शुधबार साँझ फेला परेको जिल्ला प्रहरी कार्यालय बर्दियाले जनाएको छ ।

शवको प्रकृति हेर्दा पुरुषको जस्तो देखिएको प्रहरी नायव उपरीक्षक हिक्मतबहादुर बोहोराले बताए । 

शरीरको मासुको भाग सडेर झरिसकेको र हाड मात्रै रहेको अवस्थामा शव भेटिएको र घटनाबारे थप अनुसन्धान भइरहेको प्रहरीले जनाएको छ ।