दैनिक गुजारा चलाउन गरीखान देऊ भन्दै बालेनविरुद्ध प्रदर्शन [ फोटोफिचर ]

२७ असार, काठमाडौं । काठमाडौंमा सन्चालित साना व्यापारी र व्यवसायीहरुले  दैनिक गुजारा चलाउन गरीखाने वातावरण बनाइदिन माग गर्दै काठमाडौं महानगरपालिका कार्यालय अगाडि प्रदर्शन गरेका छन् ।

बुधबार बिहान सुन्धारास्थित महानगर कार्यालय अगाडि  जवाफदेहीता , प्रहरीहरूको 'नगरप्रहरी' ज्याजती, गैरकानुनी कदम तथा ठेला-गाढा , साना सडक व्यापारीहरूको उचित व्यवस्थापनको माग गर्दै शान्तिपूर्ण तवरले काठमाडौं महानगर अघि स्वतन्त्र युवाहरूले प्रदर्शन  गरेका हुन ।  

मेयर बालेन शाहको निर्देशनमा नगरप्रहरीहरु ठेलागाढा, साइकल र पुटपाथमा व्यापार गर्नेहरुविरुद्ध निर्मम ढंगले प्रस्तुत हुँदै आएका छन् । उनीहरुलाई नियन्त्रणमा लिने नाममा नगरप्रहरीहरुले लछारपछार गर्ने र सामानमा क्षति पुर्याइदिने गरेको गुनासो व्यापारीहरुको छ ।

महानगरको यस्तो शैलीबाट दैनिक गुजारा चलाउन कठिन भएको भन्दै उनीहरु आज बिहान महानगरपालिका कार्यालय अगाडि भेला भएर प्रदर्शन गरेका हुन् । प्रदर्शनमा सहभागीहरुले ‘गरिबको चमेली बोल्दिने कोही छैन’ भन्ने गीतसमेत गाएका थिए ।