शुक्रबार लिइएको विशेषज्ञ डाक्टरहरुको लाइसेन्स परीक्षामा ५२ प्रतिशत चिकित्सक फेल

१२ साउन, काठमाडौं । नेपाल मेडिकल काउन्सिल आज लिएको विशेषज्ञ डाक्टरहरूको लाइसेन्स परीक्षामा ५२ प्रतिशत चिकित्सक फेल भएका छन् । परीक्षामा ४८ प्रतिशत चिकित्सक मात्रै पास भएका छन् ।

काउन्सिलका अनुसार परीक्षा दिनका लागि कुल २१२ जनाले फारम भरेका थिए भने परीक्षामा २०९ जनाले मात्रै सहभागिता जनाएका थिए ।

पुल्चोकस्थित नेपाल इन्जिनियरिङ संस्थानको हलमा भएको परीक्षा शुक्रबार दिउँसो २ देखि ४ बजेसम्म चलेको थियो । परीक्षामा विभिन्न ३४ विषयका विशेषज्ञ डाक्टरहरूले सहभागी थिए ।