छात्रामाथि दुर्व्यवहार गरेको आरोप लागेका शिक्षक विद्यार्थी आक्रमणबाट घाइते

३ भदौ, काठमाडौं । कञ्चनपुरमा छात्रामाथि यौन दुर्व्यवहार गरेको आरोप लागेका शिक्षक विद्यार्थीहरुको आक्रमणबाट घाइते परेका छन् । घाइते हुनेमा भीमदत्त नगरपालिका-१० जिमुवास्थित सिद्धनाथ माध्यमिक विद्यालयका शिक्षक वीरेन्द्र जोशी रहेका छन् । 

उनीमाथि गएको साउन ३१ गते एक छात्रामाथि दुर्व्यवहार गरेको लगाइएको छ । उनीविरुद्ध आइतबार विद्यार्थी आन्दोलनमा उत्रिएका थिए । शिक्षक जोशीमाथि कारवाही गर्नुपर्ने माग विद्यार्थीहरुले गरेका छन् । शिक्षक र कार्यकक्षमा समेत आक्रोशित विद्यार्थीले ढुंगामुडा गरेका थिए । 

विद्यालयका कृष्णसिंह बोहोराले भने भवनमा तलमाथि हुँदा भीडमा कुमले छोएको मात्र बताएका छन् । आरोपी शिक्षकलाई प्रहरीले पक्राउ गरी जिल्ला प्रहरी कार्यालय कञ्चनपुरमा राखिएको छ । जोशीलाई अस्पतालमा उपचार गराइएको छ । पक्राउ परेपछि अवस्था सामान्य बनेकाे छ ।