संघीय निजामती सेवा विधेयक चाँडै संसदबाट पास हुन्छ  ः सामान्य प्रशासन मन्त्री

२२ भदौ, काठमाडौं । संघीय मामिला तथा सामान्य प्रशासन मन्त्री अनिता देवीले संघीय निजामती कर्मचारीसम्बन्धी विधेयक चाँडै संसदबाट पारित हुने विश्वास व्यक्ति गरेकी छन् ।

निजामती सेवा दिवासको अवसरमा शुक्रबार सिंहदरबारमा आयोजित कार्यक्रममा मन्त्री देवीले संघीय निजामती सेवा ऐनको भूमिका महत्त्वपूर्ण हुने बताइन् । उनले विधेयक छिट्टै नै दफावार छलफलका लागि संघीय संसद पेस हुने बताइन् ।

कार्यक्रममा प्राविधिक कारणले संघीय निजामती सेवा ऐन आउन ढिलाइ भएको बताउँदै ऐनसम्बन्धी विधेयक चाँडै संसदमा पेस भएर पारित हुने उनले बताइन् । बिहीबार बसेको मन्त्रिपरिषद बैठकले ‘संघीय निजामती सेवाको गठन, सञ्चालन र सेवाको सर्तसम्बन्धी विधेयक, २०८०’लाई संसदमा पेस गर्ने निर्णय गरिसकेको छ । 

उनले संघीय निजामती सेवा ऐन लागू भइसकेपछि संघीय निजामती सेवा मात्र नभई प्रदेश र स्थानीय तहसम्मको धेरै अन्यौलता पनि अन्त्य हुने दाबी गरिन् । ऐन आएपछि राज्यका प्रशासन प्रणाली थप मजबुत बनाउन महत्वपूर्ण सहयोग पुग्ने जिकिर गरिन् ।