त्रिभुवन विमानस्थलको अध्यागमन विभागको सर्भरमा समस्या

२ असोज, काठमाडौं । त्रिभुवन अन्तर्राष्ट्रिय विमानस्थलको अध्यागमन विभागको सर्भरमा समस्या देखिएको छ । मंगलबार बिहानदेखि सर्भरमा समस्या देखिँदा यात्रुहरू ३ घण्टाभन्दा बढी समय मारमा परेका छन् ।

सर्भरमा समस्या आउँदा यात्रु चेक जाँचपास रोकिएको थियो । विभागका अनुसार गभर्मेन्ट इन्ट्रिगेटेड डाटा सेन्टर (जीआईडीसी)मा नै समस्या आएका कारण विभागको सर्भर पनि प्रभावित भएको हो ।

समस्या समाधान गर्न समय लाग्ने भएपछि म्यानुअल रूपबाटै नियमित काम सञ्चालन गरिएको विभागले जनाएको छ । समस्याका जाँच पास वितरणमा ढिलाई हुँदा यात्रुहरु लामो समय लाइन बस्नु परेको छ ।