मंगलबारको कारोबारमा १४ अंकले घट्यो नेप्से

१४ कात्तिक, काठमाडौं । सोमबार झिनो अंकले बढेको नेप्से आज फेरी घटेको छ । मंगलबार बजार खुले देखि निरन्तर ओरालो लागेको नेप्से अन्त्यमा १४.२९ अंकले घटेर १ हजार ८ सय ६४.४० अंकमा ओर्लेर बन्द भएको छ ।

अघिल्लो दिनको तुलनामा नेप्से ०.७६ प्रतिशतले कम हो । सोमबार नेप्से ३.०४ अंकले बढेर १ हजार ८ सय ७९.७० विन्दुमा बन्द भएको थियो । गत आइतबार भने नेप्से २८ अंकले घटेको थियो ।

उक्त दिन २५ हजार ६ सय २५ वटा कारोबारबाट २२ लाख ५८ हजार १८७ कित्ता शेयर किनबेच भएको छ । ती किनबेचमा ५७ करोड १४ लाख रुपैयाँ बराबरको शेयर कारोबार भएको छ । गत आइतबार र सोमबारको तुलनामा मंगलबार कारोबार रकम पनि घटेको हो । गत सोमबार ६९ करोड ४२ लाख र आइतबार ७४ करोड २९ लाख रुपैयाँ बराबरको शेयर कारोबार भएको थियो ।

मंगलबार कारोबारमा आएकामध्ये १९३ वटा कम्पनीको शेयर मूल्य बढ्यो । ३८ वटा कम्पनीको घट्यो भने ७ वटाको शेयर मूल्य स्थिर छ । नेप्से परिसूचकमा कमी आएसँगै शेयर बजारको आकार (कुल बजार पुँजीकरण) पनि घटेर २८ खर्ब ९४ अर्ब रुपैयाँमा सिमित भएको छ ।