शेयरबजार दोहोरो अंकले वृद्धि, ९९ करोडभन्दा बढीको कारोबार

२१ कात्तिक, काठमाडौं । चालु साताको तेस्रो कारोबार दिन शेयरबजार दोहोरो अंकले बढेको छ । मंगलबार नेप्से परिसूचक ११.२२ अंक बढेर १८५८.७६ विन्दुमा पुगेको छ। 

सेन्सेटिभ इण्डेक्स २.४६ अंक बढेको छ भने फ्लोट इण्डेक्स ०.६२ अंक र सेन्सेटिभ फ्लोट इण्डेक्स ०.७१ अंक बढेको छ ।

मंगलबार ४३ लाख ३१ हजार २२९ कित्ता शेयर किनबेच हुँदा ९९ करोड ६५ लाख ८६ हजार २९१ रूपैयाँको कारोबार भएको छ । १३ उपसमूहमध्ये १२ उपसमूहको परिसूचक बढेको छ भने एक उपसमूहको परिसूचक घटेको छ।