हिमालयन बैंकले गर्यो भुकम्पपीडितका लागि २१ लाख रुपैयाँ सहयोग

२४ कात्तिक, काठमाडौं । हिमालयन बैंक लिमिटेडले आफ्नो संस्थागत सामाजिक उत्तरदायित्व अन्तर्गत जाजरकोट खलंगा र मुसिकोट, पश्चिम रुकमका भुकम्प पीडितहरुको लागि एकाइस लाख रुपैया बराबरको राहत सामाग्रीको खरिद गरि सहयोग प्रदान गरेको छ ।

गत शुक्रबार २०८० साल कार्तिक १७ गते राति ११ः४७ बजे जाजरकोट केन्द्रबिन्दु बनाएर गएको ६.४ रेक्टरको भुकम्पले जाजरकोट खलंगा र मुसिकोट, पश्चिम रुकमलाई निकै     ठूलो जीउ–धनको क्षति पुर्‍याएको हुँदा यस विपद्को समयमा त्यस क्षेत्रका बासिन्दाहरुलाई राहत प्रदान गरेको हो ।

बैंकले विपदको बेला अत्यावश्यक खाद्यान्न जस्तै दाल, चामल, नून र तेल खरिद गरी जिल्ला प्रसाशन कार्यालय जाजरकोट खलंगालाई मिति २०८० साल कार्तिक २१ र जिल्ला प्रसाशन कार्यालय, मुसिकोट, रुकुम पश्चिमलाई  मिति २०८० साल कार्तिक २२ गते हस्तान्तरण गरेको प्रेस तथा जन सम्पर्क अधिकृत शितल कोइरालाले जनाए ।