क्यानडामा विद्यार्थीहरूले फुल टाइम काम गर्न पाउने

४ पुस, काठमाडौं । क्यानडामा विद्यार्थीहरूले फुल टाइम काम गर्न पाउने भएका छन् । यसअघि जम्मा २० घण्टा मात्रै काम गर्न पाउने सुविधालाई बढाएर क्यानडा सरकारले क्यानडा गएका विद्यार्थीहरूले अब फुल टाइम काम गर्न पाउने नियम बनाएको छ । 

फुल टाइम अर्थात बढीमा ४० घण्टाको अवसर दिएसँगै क्यानडा जाने विद्यार्थीहरूको आकर्षण झनै बढेको छ । यो सुविधा क्यानडामा ७ डिसेम्बर २०२३ भन्दा अगाडि आवेदन दिएका विद्यार्थीहरूका लागि हो।

क्यानडाको अध्यागमन मन्त्रीमा मार्क मिलर मन्त्री बनेसँगै क्यानडामा आप्रवासी भित्र्याउने कार्यक्रमहरू प्रभावकारी रुपमा लागू गर्दै आएका छन् । २०२२ को तथ्यांक हेर्ने हो भने २६००० नेपाली विद्यार्थी क्यानडा अध्ययनको लागि गएका छन्। 

पछिल्लो समय नेपाली विद्यार्थीहरुमाझ क्यानडा लोकप्रिय देश बन्दै आएको छ। क्यनडीयन स्टडी सेन्टर कि सिनियर काउन्सलर विद्या बस्नेतका अनुसार यो निर्णयले विद्यार्थीहरूलाई आर्थिक रुपमा सबल बनाउने बताइन्। क्यानडियन स्टडी सेन्टर नेपालमा क्यानडाको काम गर्ने सबैभन्दा पुरानो संस्था हो। यस संस्था काठमाडौँ , चितवन ,बुटवल र इटहरीमा फैलिएको छ ।