प्रधानमन्त्रीको समय मिले आजै एनसेल बिक्रीसम्बन्धी प्रतिवेदन बुझाइने
नेपालबहस संवाददाता
माघ १५, २०८० सोमबार १३:३०:२
१५ माघ, काठमाडौं । निजी क्षेत्रको दुरसञ्चार सेवा प्रदायक कम्पनी एनसेलको शेयर बिक्रीबारे छानबिन गर्न गठित उच्चस्तरीय समितिले १५ दिन म्याद थपेर प्रतिवेदन तयार पारको छ । डेढ महिना बढी समय लगाएर तयार पारेको प्रतिवेदन आज बुझाउने तयारीमा समिति छ ।
प्रधानमन्त्री पुष्पकमल दाहाल प्रचण्डले समय नमिलेका कारण कति बेला बुझाउने भन्ने टुंग्यो छैन, तर, साँझ बालुवाटारमा भएपनि प्रतिवेदन आज बुझाउने तयारीमा समिति रहेको समितिका सदस्य सुजन काफ्लेले जानकारी दिएका छन् ।
मलेसियन कम्पनी आजियाटाले एनसेलको शेयर नेपाल सरकार र नियामक निकायलाई जानकारी नदिइ बेलायती कम्पनी स्पेक्ट्रलाईटलाई बेचेको थियो । सो खरिद–बिक्री सम्झौतापछि राजनीतिक दलदेखि संसदसम्म छानबिनको माग उठेपछि सरकारले समिति गठन गरेको थियो । मंसिर २१ गते ५ सदस्यीय छानबिन समिति गठन गरेको थियो । यो समितिले पुस २४ गते भित्रमा प्रतिवेदन बुझाउन भनिएको थियो ।
तर, समय नपुगेपछि १५ दिनको म्याद थपिएको थियो । एनसेल खरिद–ब्रिक्रीमा जोडिएका व्यक्तिसँग प्रधानमन्त्रीदेखि प्रमुख राजनीतिक दलका नेताको उठबस रहेको पाइएको छ । समितिले यी सबै विषयलाई समेटर प्रतिवेदन बनाएको जनाएको छ । एनसेलको ८० प्रतिशत शेयर न्यून मूल्यांकन भएको र कर छलि भएको कुरा प्रतिवेदनले औल्याएको छ ।
छानबिन समिति नियामक निकायलाई ओभरल्याप गर्नका लागि गठन गरिएको भन्दै आलोचना पनि भएको थियो । छानबिन समितिले कर मात्रै नभई विदेशी लगानी ल्याउने र राजश्वमा पर्ने असरका विषयलाई खुलाएको बताइएको छ ।
बेलायतमा कम्पनी खडा गरेर एनसेलको ८० प्रतिशत शेयर सिंगापुर निवासी सतिशलाल आचार्यले खरिद गरेका थिए । यसअघि नेपालस्थित कम्पनी रजिस्ट्रारको कार्यालयमा आचार्यकी श्रीमती भावना सिंह श्रेष्ठको नाममा २० प्रतिशत शेयर कायम छ । आफूले खरिद गरेको भन्दा निकै कम मूल्यमा आजियाटाले कसरी शेयर बिक्री गर्यो भन्ने प्रश्न उठेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्राधिकरणलाई २१ करोड तिरेर टेलिकमले लियो लाइसेन्स
बैशाख २८, २०८१ शुक्रबार
एक महिना अघि नै इजरायलबाट आउने भनेको जहाज आएन, यति बेला आएर छानबिन उपसमिति गठन
बैशाख २८, २०८१ शुक्रबार
बन्द भएको बेलको जुस उद्योग सञ्चालनको तयारी
बैशाख २८, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
शनिबार शनिदेवको प्रिय दिन, आज शनि महाराजले कसलाई लाभ-हानी दिन्छन् ?
जेठ ५, २०८१ शनिबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
बाँकेको जमुनाहा नाका आज रातिबाट बन्द हुँदै
जेठ ५, २०८१ शनिबार
उमेर नपुग्दै गर्भपतनले स्वास्थ्य समस्या बढ्दै
जेठ ५, २०८१ शनिबार
सहकारी प्रकरणसम्बन्धी छानबिन समिति बनाउने सहमति, मोडालिटीबारे छलफल बाँकी
जेठ ५, २०८१ शनिबार
फोर्ब्सद्वारा प्रकाशित सु ब्रिजम्यानको ‘द सीक्यू एज’ नेपालमा सार्वजनिक
जेठ ५, २०८१ शनिबार