वालिङ महोत्सव चरम विवादमा, ठेकदारको महोत्सव उद्घाटन गर्न मुख्यमन्त्री पाण्डे आउलान् ?
मोहन गुरुङ
माघ १७, २०८० बुधबार १८:४०:२४
१७ माघ, काठमाडौं । आठौं वालिङ महोत्सवको विवादकाे ग्राफ चरम रुपमा बढ्दै गएको छ । महोत्सव घोषणा गरिएको मितिदेखि सुरु भएको विवादकाे ग्राफ उद्घाटन सत्रसम्म आइपुग्दा उत्कर्षमा पुगेको हो । प्रमुख अतिथिदेखि आर्थिक अनियमितताका अनेकन पाटो तथा निःशुल्क पास वितरणको खोसाखोसले यसपटकको वालिङ महोत्सव खल्लो हुने स्थानीयबासीले अनुमान लगाएका छन् । प्रतिव्यक्ति एक सय रूपैयाँ राखिएको प्रवेश शुल्क आर्थिक मन्दीको वर्तमान समयमा महँगो भएको भन्दै उद्योग वाणिज्य संघको चर्को आलोचना भएको छ भने आयोजक कमिटीले विभिन्न राजनीतिक दल, संघ-संगठन लगायतलाई निःशुल्क बाँड्ने प्रवेश पासको दवावले संघका पदाधिकारीहरू रन्थनिएका छन् ।
कहिले महोत्सव स्थल बारे विवाद, कहिले कार्यसमिति बैठकमा बैठक पुस्तिका खाेसाखाेस,च्याताच्यात र हात-हालाहाल त कहिले उद्घाटन सत्रका प्रमुख अतिथिको विवादले चर्चा कमाएको आठौं वालिङ महोत्सवको उद्घाटन गर्न गण्डकी प्रदेश सरकारका मुख्यमन्त्री सुरेन्द्रराज पाण्डे आउने दावी आयाेजक पक्षकाे छ । नेपाली कांग्रेस वालिङमा संस्थापन र इतर पक्षका बीच प्रमुख अतिथि कसलाई बनाउने भन्ने अस्तित्वको लडाइँमा अन्ततः संस्थापन पक्षको जित भएको बताइएकाे छ ।
फरक फरक विषयमा विभिन्न मितिमा विवाद हुँदै आएको वालिङ महोत्सवको उद्घाटन गर्न गण्डकीका मुख्यमन्त्री पाण्डे नै आउने महोत्सव मुल आयोजक समितिका संयोजक एवं वालिङ उद्योग वाणिज्य संघका अध्यक्ष चेतनारायण श्रेष्ठले जानकारी दिए । वालिङ कांग्रेसमा संस्थापन पक्षधर मानिने अध्यक्ष श्रेष्ठले मुख्यमन्त्रीद्वारा भाेलि १२.३० मा महोत्सव उद्घाटन हुने नेपालबहससँग दावी गरे ।
उता मुख्यमन्त्रीकाे सचिवालयले भने महोत्सवमा जाने वा नजाने भन्ने विषय अझै नटुङ्गिएको बताए । सचिवालय स्रोतका अनुसार भोलि मुख्यमन्त्री पोखराका विभिन्न कार्यक्रमहरूमा सहभागी हुने कार्यक्रम रहेको छ । केही महिना अघि वालिङ नगरपालिकाद्वारा आयोजित एक कार्यक्रममा आएका मुख्यमन्त्री पाण्डे विवादमा परेका थिए । १२ किलोमिटर बाटोसँग १२ किलोको माला साटेको विषयमा मुख्यमन्त्रीको चर्को आलोचना भएको थियो ।
यसपाली पनि महोत्सव उद्घाटनमा आउन करिब ६० लाख रूपैयाँ दिने अनौपचारिक घोषणा भएको गोप्य स्रोतले जनाएको छ । महोत्सव संयोजक श्रेष्ठले पनि कार्यसमितिका पदाधिकारीहरूबीच प्रमुख अतिथि मुख्यमन्त्रीलाई बनाएको खण्डमा संघको बहुद्देश्यीय सभा हल पुनः निर्माण गर्न पैसा ल्याउने झुटो आश्वासन बाँड्दै आएका छन् ।
मोहन गुरुङ
नेपालबहस डटकमका सह–सम्पादक मोहन गुरुङ एक दशकदेखि नेपाली पत्रकारितामा क्रियाशील छन् । स्याङजा दृष्टि साप्ताहिकबाट पत्रकारिता सुरु गरेका गुरुङले अकला आवाज साप्ताहिक, रेडियो वालिङ, सौर्य न्युज र नागरिक दैनिकमा काम गरिसकेका छन् । भ्रष्टाचार, अनियमितता, विकृति एवं विसंगतिका विरुद्ध तिखो कलम चलाउने गुरुङ आम सञ्चार तथा पत्रकारितामा स्नातकोत्तर हुन् ।
लेखकबाट थपभृकुटीमण्डपमा भोलीदेखि १७ औं नेपाल र चीन तिव्वत व्यापार मेला
बैशाख १६, २०८१ आइतबार
हेमजामा सञ्चालन भएको आलु महोत्सव सकियो
बैशाख ६, २०८१ बिहिबार
नयाँ वर्षको पूर्वसन्ध्यामा ठमेलमा ‘सडक महोत्सव’ हुने
चैत २८, २०८० बुधबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
नबिल बैंकबाट चोरिएको रकमसहित भारतको मोतीहारीबाट ३ जना पक्राउ
बैशाख २०, २०८१ बिहिबार
भाजपाले दिल्लीमा जनमत पार्टीलाई स्वागत गर्दा जसपा र लोसपालाई किन बोलाइएन ?
बैशाख २०, २०८१ बिहिबार
वेस्ट इन्डिज ए सँग नेपालको लगातार तेस्रो हार
बैशाख २०, २०८१ बिहिबार
राष्ट्रपति पौडेलले दिए विश्व प्रेस स्वतन्त्रता दिवसको शुभकामना
बैशाख २१, २०८१ शुक्रबार
आज विश्व प्रेस स्वतन्त्रता दिवस
बैशाख २१, २०८१ शुक्रबार
विश्वासको मत लिँदै मुख्यमन्त्री सोडारी : एमालेले आज नदिने, कांग्रेसले अवरोध गर्ने
बैशाख २१, २०८१ शुक्रबार
कस्तो छ आजको मौसम ?
बैशाख २१, २०८१ शुक्रबार
विदेशी मुद्राको विनिमय दर : आज कतिमा हुँदैछ कारोबार ?
बैशाख २१, २०८१ शुक्रबार
सर्लाहीमा आगलागीः एउटै गाउँको ६५ भन्दा बढी घर जले
बैशाख २०, २०८१ बिहिबार