पुरातात्त्विक महत्वको काठ जलाउँदा जिम्मेवार को ? ( फाेटाे फिचर )

मनिष अर्याल / नेपाल फोटो लाइब्रेरी 

२७ फागुन, काठमाडौं । काठमाडौंको टेकु दोभान देखि थापाथली सम्म रहेका पुरातात्त्विक महत्वका काठ जलाइएको छ । काठमाडौं महानगरपालिकाको वडा ११ र १२ मा निर्माणाधीन २८ वटा सत्तल, मन्दिर आदीका पुरातात्त्विक काठहरू लघुवित्त पीडितहरूले जलाइका हुन् ।

फागुन ५ गते देशभरका लघुवित्त तथा वित्तीय पीडितहरू काठमाडौंमा लघुवित्त तथा वित्तीय शोषण विरुद्ध काठमाडौं आइपुगेका थिए । उनीहरूलाई तीनकुने राखिने भनिए पनि जिल्ला प्रशासन कार्यालयले गौशाला स्थित सिफलमा राखिएकाले गत हप्ता मात्र शिवरात्रिमा सिफलबाट थापाथली स्थित कालमोचन घाटमा सारिएको थियो । 

गुठी संस्थान अन्तर्गत पर्ने उक्त क्षेत्र भुकम्पले भत्काए पछि एकीकृत अधिकार सम्पन्न बाग्मती सभ्यता अभियान मार्फत एसियाली विकास बैकको ऋणबाट निर्माणाधीन छ । 

 

उक्त स्थानमा रहेका २८ मन्दिर सत्तल तथा घाटमा पुन निर्माणमा भत्काइएका मन्दिरका सरचनाबाट निकालिएको महत्त्वपूर्ण काठहरू थुपारिएको थियो । यसरी सम्पदा क्षेत्रमा अनधिकृत रूपमा बसेका छन् । तर सीडीओ र गुठी संस्थान भने मौन देखिन्छ ।