सादा पोशाकमा प्रहरी परिचालन नगर्न हेडक्वार्टरको पत्र

१५ चैत, काठमाडौं । चौतर्फी विरोध आउनु थालेपछि नेपाल प्रहरी प्रधान कार्यालयले सादा पोशाकमा सूचना संकलनका लागि भनेर खटिँदै आएका घुमुवा प्रहरी परिचालन नगर्न निर्देशन दिएको छ । सादा पोशाकका प्रहरी तत्काल हटाइ युनिर्फममा जिम्मेवारी दिने नीतिअनुसार प्रहरी प्रधान कार्यालयले सबै तहमा परिपत्र गरेको हो ।

यसअघि प्रहरीहरू सूचना संकलनका लागि सादा पोशाकमा (घुमुवा)को रूपमा परिचालन हुँदै आएका थिए । हाल परिचालन गरिएका सादा पोशाकका प्रहरी कर्मचारीलाई (अपराध अनुसन्धान शाखामा कार्यरतबाहेक) तत्काल जिम्मेवारी परिवर्तन गरी नियमित युनिफर्म ड्युटीको जिम्मेवारी दिइ निजहरूको काम, कारबाहीको समेत कार्यालय प्रमुखबाटै नियमित निगरानी गर्ने व्यवस्था मिलाउनु हुन निर्देशअनुसार अनुरोध छ, प्रहरीको परिपत्रमा भनिएको छ ।