शुक्रबार हुने सेमिफाइनलमा नेपालको प्रतिद्वन्दी युएई

५ वैशाख, काठमाडौं । नेपालले ओमानमा जारी एसीसी प्रिमियर कप २०२४ को सेमिफाइनलमा युएईसँग खेल्ने पक्का भएको छ । समूह चरणको अन्तिम खेलमा ओमानले कुवेतलाई ४६ रनले हराएसँगै सेमिफाइनल समीकरण पूरा भएको छ । अब सेमिफाइनलका खेलहरु शुक्रबार हुने छन् ।

नेपाल समूह ए बाट ४ खेलमा अपराजित रहँदै शीर्षस्थानमा रहेको छ भने हङकङकङ ४ खेलमा २ मा जित र २ मा हारसहित ४ अंकका साथ नेटरनरेटमा कतारलाई पछि पार्दै उपविजेता बनेर सेमिफाइनलमा पुगेको छ । नेपाल सेमिफाइनलमा परम्परागत प्रतिद्वन्दी युएईसँग खेल्ने भएको हो । 

बुधबार समुह चरणका खेल सकिएसँगै युएई समुह बी मा उपविजेता बनेपछि सेमिफाइनलमा नेपालसँग खेल्ने भएको हो । अर्को सेमिफाइनलमा आयोजक ओमानको सामना हङकङसँग हुने भएको छ ।

ओमान समुह बी मा समुह विजेता बनेको छ । ओमानले समुह चरणका चारै खेल जितेर अपराजित रहदै समुह विजेता बनेको छ भने हङकङले ४ खेलमा २ खेल जितेर ४ अंकसहित समुह बी को उपविजेता बनेको छ ।