डा. चिरञ्जीवी नेपालले राष्ट्रपतिको आर्थिक सल्लाहकारबाट दिए राजीनामा

३० वैशाख, काठमाडौं । राष्ट्रपति रामचन्द्र पौडेलका आर्थिक सल्लाहकार डा. चिरञ्जीवी नेपालले पदबाट राजीनामा दिएका छन् । उनको राजीनामा स्वीकृत भएको बताइएको छ । उनले नेपाली चुच्चे नक्सा नोटमा छाप्ने बारे दिएको अभिव्यक्ति विवादमा परेको थियो । 

एक सय रुपैयाँको नोटमा नयाँ नक्सा छाप्ने मन्त्रिपरिषदको निर्णयको विरुद्ध अभिव्यक्ति दिएपछि विवादमा परेका नेपालले पदबाट राजीनामा दिएर बाहिरिएका छन् । नेकपा एमाले अध्यक्ष केपी शर्मा ओलीले डा. नेपालको भनाइलाई लिएर राष्ट्रपतिमाथि प्रश्न उठाउँदै आएका थिए ।