कैशाल सिरोहिया पक्राउविरुद्ध जनकपुरमा प्रदर्शन

९ जेठ, काठमाडौं । कान्तिपुर मिडियाका अध्यक्ष कैशाल सिरोहिया पक्राउ विरुद्ध जनकपुरमा प्रदर्शन भएको छ । जनकपुर नागरिक समाजको ब्यानरमा प्रदर्शन भएको हो ।

प्रदर्शनकारीले राज्य आतंक बन्द गर, सञ्चार उद्यमी कैलाश सिरोहिया रिहा गर भन्ने नारा लगाउँदै प्रदर्शन गरेका छन् । जनकपरको सुकरबारी बजारमा सडक अवरुद्ध गर्दै जनकपुर उद्योग वाणिज्य संघ, व्यवसायी, नागरिक समाज धर्ना बसेका छन् ।

उद्योग वाणिज्य संघ जनकपुरका अध्यक्ष जितेन्द्र महासेठले भने,आज हामीले सांकेतिक विरोध गरेका हौं । यदि राज्यले गरेको ज्यादती सच्याएन भने, भोलि यो भन्दा पनि ठूला संस्थागत निर्णय लिएर विरोध प्रदर्शनमा हामी जान्छौं ।’