महानगरले खुलामञ्चको सटर भत्काउँदैन भने हामी भत्काउन तयार छौँ
इन्द्र रिजाल
बैशाख १३, २०७६ शुक्रबार १६:२०:५२
काठमाडौं । राजधानीको मुटु खुलामञ्च अतिक्रमण गरी बनाइएका सटर तथा स्टल वैशाख मसान्तसम्म हटाउन स्थानीयले काठमाडौं महानगरपालिकालाई अल्टिमेटम दिएका छन् । ठेकेदार कम्पनी जलेश्वर स्वच्छन्द बिकोई बिल्डर्सले अतिक्रमण गरी ४० भन्दा बढी सटर बनाएपछि स्थानीय आन्दोलित भएका हुन् ।
तोकिएको अवधिभित्र नभत्काए आफैँ भत्काउने चेतावनी स्थानीयको छ । काठमाडौं–६ का सांसद भीमसेनदास प्रधानले अतिक्रमण गरी बनाइएका सटर वैशाख मसान्तसम्म भत्काउन महानगरपालिका र सम्बन्धित ठेकेदार कम्पनीलाई अल्टिमेटम दिएको बताए । ‘खुलामञ्च अतिक्रमण गरी सार्वजनिक सम्पत्ति व्यक्तिले दोहन गरेको पाइयो, यो गैरकानुनी हो । हामीले महानगरपालिका र सम्बन्धित ठेकेदारलाई वैशाख मसान्तसम्म सबै सटर भत्काउन भनेका छौँ । तोकिएको अवधिमा नभत्किए जनता आफैँले सटर भत्काउनेछन्,’ उनले भने ।
जनप्रतिनिधिसहित स्थानीयको विरोध प्रदर्शन
अतिक्रमणविरुद्ध सांसद प्रधानसहित, नयाँ शक्ति पार्टीकी युवा नेतृ मानुषी यमीलगायत स्थानीयले बिहीबार विरोध प्रदर्शन गरेका छन् । उनीहरूले ब्यानर र प्लेकार्डसहित प्रदर्शन गरेका हुन् । ‘हामीले महानगरपालिकाकी उपमेयर हरिप्रभा खड्गीसँग गणतन्त्र दिवससम्ममा खुलामञ्च खाली गरिनुपर्छ भनेका छौँ । यदि भएन भने महानगरपालिकाकै मिलेमतो भएको पुष्टि हुन्छ । त्यो अवस्थामा हामी आफैँ खुलामञ्च प्रवेश गरेर अतिक्रमण गरी बसेकालाई हटाउँछौँ,’ यमीले भनिन् ।
१५ लाखसम्म सलामी असुल
महानगरपालिकासँगको सम्झौताविपरीत ठेकेदार कम्पनी जलेश्वर स्वच्छन्द बिकोई बिल्डर्सले खुलामञ्च अतिक्रमण गरेर ४० भन्दा धेरै सटर बनाई भाडामा लगाएको छ । ठाउँ उपलब्ध गराएबापत कम्पनीले प्रत्येक व्यापारीबाट प्रतिसटर १५ लाख रुपैयाँसम्म सलामीसमेत उठाएको छ । सलामी रकम नबुझाउने व्यापारीलाई कम्पनीले बसपार्क प्रवेशमै रोक लगाएको छ । बसपार्कभित्रका नाङ्लो व्यापारीसँग भने प्रतिनाङ्लो ५० हजार रुपैयाँ उठाउने गरेको छ । सलामी रकम सुरुमा ठाउँ लिएबापतको मात्रै हो । भाडाबापत हरेक महिना १५ हजार रुपैयाँका दरले संकलन हुँदै आएको छ ।
गुठीको एक रोपनी जग्गा पनि अतिक्रमण
खुलामञ्चसँगै रहेको दुईमाजू गुठीको करिब एक रोपनी जग्गा पनि अतिक्रमण गरी व्यापारिक प्रयोजनमा लगाइएको छ । ३२ वटा स्टल बनाइएको सो जग्गा प्रतिमहिना १५ हजार रुपैयाँ भाडा बुझाउने गरी गुठी संस्थानबाट लिइएको हो । तर, व्यवस्थापकले सोही जग्गा भाडामा लगाएर महिनामा झन्डै पाँच लाख रुपैयाँ संकलन गरिरहेको छ ।
गुठी संस्थानको ९ मंसिरको निर्णयले व्यवसाय गर्न भन्दै गोरखा भीमसेन–२ की अमृता भट्टराईको नाममा दिइएको हो । भट्टराईले मनोज भेटवाल, ऋषि बर्तौला, राजु श्रेष्ठ र भैरव भेटवालसँग मिलेर पाँच महिनादेखि जग्गा भाडामा लगाइरहेकी छन् । विनाटेन्डर दिइएको जग्गामा ३२ वटा स्टल बनाइएका छन् ।
प्रत्येक स्टलबाट प्रतिमहिना १५ हजार रुपैयाँका दरले भाडा संकलन हुन्छ । स्टल लिएबापत व्यापारीले व्यवस्थापकलाई प्रतिसटर सात लाख रुपैयाँ सलामी रकमसमेत बुझाइसकेका छन् । संस्थान र भट्टराईबीच भएको सम्झौताअनुसार पाँच वर्षका लागि जग्गा दिइएको हो । सम्झौतापत्रमा करारनामा दुवै पक्षको स्वतन्त्र सहमतिमा भएकाले अक्षरशः पालना गर्न दुवै पक्ष प्रतिबद्ध रहेको उल्लेख छ ।
महानगरपालिकाका प्रवक्ता ईश्वरमान डंगोल भन्छन्– सटर बनाउने र सलामी उठाउने दुवै काम अवैध
जलेश्वर स्वच्छन्द बिकोई बिल्डर्सले बसपार्कभित्र सटर बनाउँदै गरेको र सडक व्यापारीलाई भाडामा दिनुअघि सलामी रकम उठाएको सूचना आएपछि म आफैँ निरीक्षणमा पुगेँ । हामीलाई प्राप्त भएको सूचना सही रहेछ । ठेकेदारलाई हामीले तत्काल यो काम रोक्न भनेका छौँ । अटेर गरे महानगरपालिकाले सबै सटर भत्काउँछ । गैरकानुनी काम भएको छ । यसप्रति महानगरपालिका सचेत छ ।
भ्यु टावरको सेयर दिने भन्दै सडक व्यापारीसँग रकम असुल
बिल्डर्सले भ्यु टावरको सेयरदेखि सटर दिने प्रलोभनमा बसपार्कस्थित दुई सयभन्दा बढी व्यापारीसँग एक–एक लाखका दरले रकम उठाएको छ । तर, रकम दिएको प्रमाण नभएपछि सबै व्यापारी चुपचाप छन् । बसपार्कस्थित स्वरोजगार व्यापार श्रमिक संघका अध्यक्ष हरिप्रसाद पाण्डेले भने, ‘हामीलाई भ्यु टावरमा सेयर दिन्छु भन्यो । सटर पनि दिन्छु भन्यो । दुई वर्षअघि नै हामीले एक–एक लाख रुपैयाँ दिएका हौँ । तर, उसले हामीलाई ठगेको रहेछ भन्ने बल्ल थाहा भयो ।’
को हो जलेश्वर स्वच्छन्द बिकोई बिल्डर्स ?
जलेश्वर स्वच्छन्द बिकोई बिल्डर्सले पुरानो बसपार्कमा ‘भ्यु टावर’ बनाउने भन्दै चार वर्षदेखि जग्गा ओगटेर राखेको छ । भ्यु टावर निर्माण गर्न बिल्डर्सले महानगरपालिकासँग २२ फागुन ०७१ मा सम्झौता गरेको थियो । निर्माणको कार्यादेश भने उसले ०७२ फागुनमा पाएको थियो । त्यसलगत्तै बिल्डर्सले बसपार्क हटाएर खुलामञ्चमा सा(यो । बसपार्कलाई चारैतिरबाट जस्तापाताले घे(यो । निर्माणका लागि केही उपकरण र गिटी, बालुवा पनि जम्मा ग(यो । तर, जग खन्ने काम भने अझै गर्न सकेको छैन । सम्झौताअनुसार उसले पाँच वर्षभित्र भ्यु टावर निर्माण गरिसक्नुपर्नेछ । तर, अहिलेसम्म १ प्रतिशत काम पनि भएको छैन । नयाँ पत्रिकाबाट
खुलामञ्च अतिक्रमण : मासेर जनताको जमिन, उम्कन्छौ अब कति दिन ?
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपआन्तरिक लोकतन्त्र चिरहरण भएकोमा एमाले नेतृत्वमाथि प्रश्न
पुष २२, २०८१ सोमबार
पूर्वराष्ट्रपति भण्डारीको राजनीतिमा पुनरागमन गर्ने सोचलाई बैधता दिन कति तयार छन ओली ?
पुष १९, २०८१ शुक्रबार
आम अपेक्षा विपरीत रवि लामिछानेलाई धरौटीमा रिहा गर्न कास्की जिल्ला अदालतको आदेश
पुष २५, २०८१ बिहिबार
३ लाख धरौटीमा छुटे दुर्गा प्रसाईं
पुष २५, २०८१ बिहिबार
रविलाई प्रहरीले पुनः पक्राउ नगर्ने, काठमाडौं जिल्ला अदालतमा आफैं उपस्थित हुने
पुष २५, २०८१ बिहिबार
तिब्बतका भूकम्पपीडितलाई ३७ लाख सहयोग
पुष २६, २०८१ शुक्रबार
आगामी माघ २२ देखि कञ्चनपुरका २६ हजार किशोरीलाई ‘एचपीभी’ खोप लगाइने
पुष २६, २०८१ शुक्रबार
‘समृद्धिको अनुभूति दिलाउने गरी सरकार क्रियाशील हुनुपर्छ’
पुष २६, २०८१ शुक्रबार
कहिले सम्पन्न होला भक्तपुर–नगरकोट सडक ?
पुष २६, २०८१ शुक्रबार
जोमसोमको पुरानो झोलुङ्गे पुल
पुष २६, २०८१ शुक्रबार
विश्वकप खेल्ने यू–१९ महिला क्रिकेट टिमको बिदाई
पुष २६, २०८१ शुक्रबार