आईजीपी खनालसहित सुरक्षा अधिकारी जनकपुरमा !

जनकपुरधाम । प्रदेश स्तरीय सुरक्षा सम्बन्धी दुई दिने गोष्ठी आजदेखि सुरु भएको छ । प्रदेश २ को राजधानी जनकपुरमा सुरु भएको सो गोष्ठीका सहभागी हुन नेपाल प्रहरीका महानिरीक्षक ‘आईजीपी’ सर्वेन्द्र खनाल जनकपुर पुगेका हुन् ।

बैठक सुरु हुनुपूर्व खनाल पूजा-आजा गर्नको लागि जानकी मन्दिरमा गएका थिए । उनलाई मन्दिरका छोटे महन्थ रामरोशन दास बैष्णवले स्वागत गरेका हुन् ।

आजदेखि जनकपुरस्थित होटल शीतशरणमा दुई दिनसम्म चल्ने सुरक्षासम्बन्धी बैठकका लागि प्रदेश( २ का आठ ओटै जिल्लाबाट प्रमुख जिल्ला अधिकारी, जिल्लाका प्रहरी प्रमुखहरु, नेपाली सेना, राष्ट्रिय अनुसन्धान विभागका प्रतिनिधि, सशस्त्र प्रहरी, नेपाल प्रहरीका जिल्ला प्रमुखहरु समेतको उपस्थिति रहेको धनुषाका प्रमुख जिल्ला अधिकारी प्रदीप कनेलले बताए ।

कनेलका अनुसार आज आन्तरिक बैठक र भोलि शनिबार औपचारिक कार्यक्रम हुने छ । जनकपुरमा अहिले सुरक्षा व्यवस्था अन्य दिनको तुलनामा कड़ा बनाइएको छ ।