गर्मी बढेसँगै नारायणी अस्पतालमा वीरगन्जमा बढे सर्पदंशका बिरामी

३२ जेठ, वीरगन्ज । गर्मी बढेसंगै वीरगन्जको नारायणी अस्पतालमा सर्प दशंका बिरामीहरुको संख्या अत्याधिक बढेको छ । नारायणी अस्पतालमा पछिल्लो दुई हप्तामा मात्रै सर्प दशंका ६१ जना बिरामीहरु उपचारका लागि भर्ना भएको अस्पताले जनाएको छ । 

जेष्ठ १५ देखि जेष्ठ ३१ गतेसम्म अस्पतालमा सर्प दंशका ६१ जना बिरामी उपचारका लागि आएको र तीमध्ये २० जना बालबालिका, २२ जना महिला र १९ जना पुरुष रहेको अस्पतालका सुचना अधिकारी सुनिल रौनियारले जानकारी दिए   ।

 जेष्ठ महिना कहिलेकाँही मात्र सर्पले टोेकेका बिरामी अस्पतालमा आउने गरेको थिए  तर यो गर्मी अत्याधिक बढेयता अस्पतालमा दिनहुँ औसतमा ५÷६ जना सर्प दशंका बिरामी आइरहेका छन् । सर्प दशंका बिरामीको संख्या अप्रत्याशितमा रुपमा बढेको छ।’नारायणी अस्पतालमा पर्सा, बारा, रौतहट र सर्लाही जिल्लाबाट समेत सर्प दशंका बिरामी उपचारका लागि आउने गरेको आकस्मिक कक्षका डाक्टर एराज खानले बताए ।

नारायणी अस्पताालमा केहिदिन पहिलेसम्म सर्प दशंका बिरामीलाई लगाउनु पर्ने एन्टी स्नेक भेनम ९सुई० को अभाव रहेकोभएपनि अहिले भने अभाव नरहेको तर विषालु सर्पले डसेर जटील अवस्थामा पुगेका बिरामीलाई थप उपचारका लागि भर्ना गरेर राख्नुपर्ने अवस्थामा भने आइसियु बेडको अभावले समस्या भइरहेको डाक्टर खानले बताए ।

उनका अनुसार, हिउँद याममा भन्दा गर्मी मौसममा सर्पको सकृयता बढ्ने गरेकाले सर्प दशंका घटना अत्याधिक हुने गरेको छ ।गर्मीमा पानी नरपरेर जमिनमुनिको तापक्रमपनि बढ्ने र त्यसले दूलो भित्र बस्ने गरेका सर्पहरु उकुसमुकुस भएर बाहिर निस्किने गरेको डाक्टर खानले बताए ।

सर्प दंशबाट जोगिन घरभित्र र वरिपरिका प्वालहरु टाल्नु पर्ने , रातिको समयमा अन्ध्यारोमा हिडडु्ल नगर्ने , हिड्नै परे चप्पल वा जुत्ता लगाएर तथा टर्च लाइट बालेर हिड्नु पर्ने , राति सुत्दा झुल टाँगेरमात्रै सुतनु पर्ने र भुंइमा नसुत्ने लगायतका सावधानीहरु अपाउन डाक्टर खानले सुझाव दिए   ।