मौसम सुधार नभएसम रात्रि बस संचालन रोक्न सांसद पाण्डेको माग

२८ असार, काठमाडौं । नेकपा एकीकृत समाजवादीका उपाध्यक्ष एवं सांसद राजेन्द्र पाण्डेले वर्षा जारी रहुञ्जेल रात्रि बस संचालन बन्द गर्न माग गरेका छन् ।

प्रतिनिधिसभाको बैठकमा बोल्दै सांसद पाण्डेले मौसममा सुधार नभएसम्म कम्तीमा भाद्र १५ सम्म रात्रि बस संचालनमा रोक लगाउन माग गरेका हुन् ।

उनले नारायणगढ-मुग्लिन सडकखण्डमा गएराति पहिरोमा परेर दुई यात्रीबस त्रिशुली नदीमा खसेको विषयमा तत्काल बसको खोजी र उद्धार गर्न माग गरेका थिए ।

सरकारले विपद्बाट जोगाउन सरकारले पूर्वतयारी नगरेको बताउँदै तत्काल राहत र उद्धार गर्न सरकारको ध्यानाकर्षण गरेका छन् ।