सुनुवाइ समितिको बैठक सर्यो, निर्वाचन आयुक्तमा सिफारिस प्रधानको नाम अनुमोदन हुनेमा शंका

१४ साउन, काठमाडौं । संसदीय सुनुवाइ समितिको बैठक सारिएको छ । सोमबार बिहान साढे ११ बजेका लागि निर्धारित बैठक साँझ ५ बजे सारिएको हो । आज निर्वाचन आयुक्तमा सिफारिस कृष्णमान प्रधानको नाम अनुमोदन गर्ने-नगर्ने विषयमा निर्णयमा पुग्नुपर्नेछ । 

प्रधानको नैतिक चरित्रमा धेरै प्रश्न उठेकाले थप छलफल गर्नुपर्ने भन्दै संसदीय सुनुवाइ समितिको बैठक सोमबार ५ बजेसम्मका लागि सारिएको बताइएको छ । एक बजे प्रतिनिधि सभाको बैठक रहेको र सो सकिएपछि संसद् भवनको शंकर हलमा बैठक बस्ने समितिका एक सदस्यले जानकारी दिए । प्रधानविरुद्ध यौन दुर्व्यवहारसम्बन्धी उजुरी परेका थिए ।