सुनको मूल्यमा रेकर्ड, १ सयले तोलाको डेढ लाख पुगेन

१८ साउन, काठमाडौं । सुनको मूल्य तोलामै मूल्य करिब डेढ लाख पुगेको छ । डेढ लाख पुग्न १ सयले मात्र कम छ । यसअघि साउन २ गते भाउ प्रतितोला १ लाख ४९ हजार ८ सय रुपैयाँको उच्च रेकर्ड रहेको थियो । यो रेकर्ड तोडेर आज शुक्रबार सुनको भाउ प्रतितोला १ लाख ४९ हजार ९ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।

शुक्रबार छापावाला सुनको मूल्य हालसम्म कै उच्चबिन्दुमा कारोबार भइरहेको छ । नेपाल सुन चाँदी व्यवसायी महासंघका अनुसार बिहीबार छापावाला सुनको भाउ प्रतितोला १ लाख ४९ हजार ४०० रुपैयाँमा कारोबार भएको थियो । 

शुक्रबार २२ क्यारेटको सुनको मूल्य प्रतितोला १ लाख ३७ हजार ९१० रुपैयाँमा कारोबार भइरहेको छ । बिहीबार २२ क्यारेटको सुन १ लाख ३७ हजार ४५० रुपैयाँमा कारोबार भएको थियो । शुक्रबार चाँदी १ हजार ७९५ रुपैयाँमा कारोबार भइरहेको छ । बिहीबार चाँदी १ हजार ८०० रुपैयाँमा कारोबार भएको थियो ।

अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ । अन्तर्राष्ट्रिय बजारमा शुक्रबार सुन प्रतिऔंस सुन २ हजार ४५७ दशमलव ३२ डलरमा कारोबार भइरहेको छ भने प्रतिऔंस चाँदी २८ डलर ८५ पैसामा कारोबार भइरहेको छ ।