बर्दिवासको डेन्टल केयरको बदमासी : बालिकाको निकाल्न नै नहुने दाँत निकालेपछि...

♦ बिशाल बस्नेत 

२९ असोज, महोत्तरी । धनुषा मिथिला-१० का नेत्र बहादुर कार्कीले इटहरीबाट मावली टिका लगाउन आएकी नातिनी नित्या कुँवरको अगाडितर्फ दुई वटा दारा दाँत पलाएको देखेपछी मंगलवार हत्तपत्त उपचारको लागि बर्दिवास पुर्याए  । कार्कीले ६ वर्षीय नातिनीको बर्दिवासस्थित मकालु डेन्टल केयरमा पुर्याएर हल्लिएको र दारा दाँत पलाएको ठाउँ देखाएर निकाल्नुपर्ने त बताए तर त्यसको ठिक उल्टो बन्यो ।

उपचार कक्षबाट रुँदै  दाँत निकालेर नातिनी बाहिर आउँदा जव कार्कीले हेरे  तव देखाएको दाँत ननिकाली अर्कै दाँत निकालिएको थियो । निकाल्नुपर्ने दाँत ननिकाली अर्कै दाँत किन निकालियो भन्ने विषय नै अहिले चर्चामा  छ ।

‘हामि करिव १२ वजेतिर किल्निक पुगेका थियौ । त्यहाँ ठुलो बोर्डमा विशेषज्ञहरुको नाम राखेर उपचार गरिने भनेर राखिएको थियो ।’ हजुरवुवा कार्कीले भने । ‘उत्कृष्ट उपचार हुन्छ भन्ने लाग्यो तर यहाँ त नसोचेको पो भयो ।’

वालिकाको दाँत निकाल्ने किल्निकको सामान्य कर्मचारी मात्र भएको खुलेको छ । चिकित्सकको सल्लाह नै विना दाँत उखाल्ने जस्तो विषयमा हेलचेक्र्याई गर्नु किल्निक संचालकको गैरजिम्मेवार देखिएको पिडितहरुले गुनासो गरेका छन्  ।

एक बर्षदेखी किल्निकमा काम गर्दै आएकी विनिता महतोले उक्त दाँत निकालेकी थिइन् । आत्माबिस्वासका आधारमा दाँत निकालेतापनी आफुवाट गल्ती भएको महतोले स्वीकार गरिन ।

तर दाँत निकाल्ने विषयमा कर्मचारीलाई कुनै आधिकारिकता आफुहरुवाट नभएको चिकित्सक अन्जली साहले दावी गरेकी छन् । ‘उन्ले दाँत कसरी र कुन आधारमा निकालिन भन्ने विषयमा हामी बुझ्छौ तर हामीसँग कुनै सल्लाह भएको छैन ।’ डा। साहले भनिन । ‘वास्तवमा नै गल्ती भएको छ यो मेडिकल प्रक्रिया विपरीत भएको विषयमा हामि स्वीकार गर्छौं ।’

यता असहय भएर ६ बर्षीय वालिका दाँत निकाल्न जाँदा अर्कै दात निकालिनुले आम मानिसमा संसय  र त्रास सिर्जना भएको  स्थानियहरुले प्रतिक्रिया दिएका छन् । स्थानीय गुन्ज कार्कीले यस्तो खाल्को गैरजिम्मेवार भत्सर्नाजन्य  भएको वताए ।

नगरपालिकाका स्वास्थ्य शाखा प्रमुख सुरेश पासवानले मेडिकल प्रक्रियाविना जताभावी उपचार गर्नु गलत भएको बताउँदै नगरले नियमन प्रक्रियालाई अगाडी बढाईरहेको बताएका छन् । ‘हामीले मकालु लगायत सबैलाई नगरमा कागजपत्र पेश गर्न सूचना निकालेका थियौं तर वांहाहरु आउनु भएन ।’ प्रमुख पासवानले भने । ‘त्यो मकालु त मैले नाम नै सुनेको छैन । आवस्यक कारवाही प्रक्रिया अगाडी वढाउछौ ।’

वालिकाको स्वास्थ्य अवस्था अहिले सामान्य रहेको छ । नहल्लिएको  दाँत निकालेपछी  पिडामा रहेकी नित्यालाई तत्काल नजिकैको अस्पताल पुर्‍याएर चिकित्सकको सल्लाह लिएको हजुरवुवा कार्कीले बताए । उनलाई अस्पतालका चिकित्सकहरुले औषधी लेखेर दिएको र अहिले स्वास्थ्य अवस्था सामान्य रहेको कार्कीले जानकारी दिए ।