सरकारले माग सम्बोधन नगरेको भन्दै सहकारी पीडितले गरे राष्ट्रिय आन्दोलनको घोषणा

९ कात्तिक, काठमाडौं । सहकारी पीडितले मंसिर ५ गतेदेखि राष्ट्रव्यापी आन्दोलन गर्ने जानकारी दिएका छन् । सरकारले आफूहरुका माग बेवास्ता गरेको भन्दै सहकारी पीडितले फेरि वृहत राष्ट्रिय आन्दोलनको घोषणा गरेका हुन् । 

सहकारी बचतकर्ता संरक्षण राष्ट्रिय अभियानले शुक्रबार एक विज्ञप्ति जारी गरी सरकारले बचत फिर्ताको जिम्मा नलिएसम्म आफूहरूको रकम फिर्ता हुने अवस्था नदेखिएकोले आन्दोलन गर्नुपर्ने अवस्था आएको जनाएको छ । सहकारी बचतकर्ताको बचत फिर्ता गर्न सरकारले जिम्मा नलिएसम्म बचतकर्ताको रकम फिर्ता हुने देखिँदैन, त्यसैले सरकारले यस विषयमा गम्भीरतापूर्वक लाग्नुपर्नेछ, विज्ञप्तीमा भनिएको छ । 

अभियानका अध्यक्ष कुशलब केसीले निर्णायक आन्दोलन मंसिर ५ हुने बताए । सहकारी पीडितले बुधबार डिपुटी गर्भनरसहित बसेको क्याबिनेट छलफलमा पनि आफूहरूको प्रतिनिधि नराखी सम्झौता गरेको आरोप लगाएका छन् । उनीहरुले पटकपटक सम्पर्क गर्दा पनि सरकारी पक्ष सम्पर्कमा आउन नचाहेको बताएका छन् ।