दुल्लु र नौमुलेमा लहलह झुलेको धानका फाट मनमोहक

१० कात्तिक, दैलेख । कर्णाली प्रदेशको दैलेखको दुल्लु र नौमुले गाउँपालिकामा यतिखेर धान लहलह झुलेको छ। दैलेखको लोहोरे खोला को छेउमा लहलह झुलेका धानका फाट निकै मनमोहक देखिएको छ  ।

यति बेला  किसानहरू कतै धान काट्न बेस्त देखिन्छन् त कतै धान् चुट्न बेस्त देखिन्छन् । दैलेखमा कृषिजन्य वस्तुको उत्पादन प्रत्येक वर्ष घट्दै गएको नौमुले गाउपालिकाका स्थानिय बासिन्दा  भुपाल बहादुर थापा बताउँछन् ।

पछिल्ला वर्षमा खेती गर्ने मान्छेको कमी हुँदै जानु, बसाइँसराइ, युवापुस्ता कामको खोजीमा विदेशिनुले प्रत्यक्ष प्रभाव पारेको देखिन्छ । पछिल्ला वर्षमा रैथाने बालीको उत्पादनमा समेत कमी आएको छ । दैलेखमा सुन्तला, कागती पनि प्रमुख खेतीको रुपमा रहेको छ। तस्बिर नेपाल : फोटो लाइब्रेरी