नायव निरीक्षक दर्नालसहित सम्पर्कविहिन भएका १२  प्रहरीलाई ७ दिनभित्र हाजिर हुन निर्देशन

११ कात्तिक, काठमाडौं । नेपाल प्रहरी प्रधान कार्यालयले प्रहरी नायव निरीक्षक अशोक दर्नालसहित बेपत्ता भएका १२ जनालाई सात दिनभित्र हाजिर हुन निर्देशन दिएको छ । सम्पर्कविहिन भएका व्यक्तिहरुको नाम–ठेगाना सार्वजनिक गर्दै सात दिनभित्र हाजिर हुन भनिएको छ । 

हाजिर हुँदा गैरहाजिर हुनुको कारण खोली स्पष्टीकरणसमेत बुझाउनुपर्ने छ । यदि यो सूचनाको बेवास्ता गरेमा प्रहरी नियमावलीअनुसार कारबाही हुने चेतावनी पनि प्रहरी प्रधान कार्यालयले दिएको छ ।