तेस्रो पटक म्याद थप गर्न लामिछानेलाई लगियो अदालत

२० कात्तिक, पोखरा । सहकारी ठगी प्रकरणमा पक्राउ परेका राष्ट्रिय स्वतन्त्र पार्टी(रास्वपा) का सभापति एवं पूर्गृहमन्त्री रवि लामिछानेलाई म्याद थपका लागि अदालत लगिएको छ । उनीसहित चार जनालाई प्रहरीले जिल्ला अदालत लगेको छ । 

सूर्यदर्शन सहकारी ठगीमा प्रकाउ परेका गोर्खा मिडियाका पूर्वसञ्चालकसमेत रहेका लामिछाने, छविसहित सूर्यदर्शन सहकारीको रकम हिनामिनामा जीवी राइसँग जोडिएका लिला पछाईं र नेचर हर्ब्सका रामबहादुरलाई अदालत उपस्थित गराइएको जिल्ला प्रहरी कार्यालय कास्कीले जनाएको छ ।

तिहार बिदाकै बेलामा म्याद सकिएकोले अनुसन्धानका लागि म्याद थप गर्न प्रहरीले कास्की जिल्ला अदालतमा उपस्थित गराएको हो । लामिछानेलाई यसअघि दुईपटक म्याद थप गराएर प्रहरीले अनुसन्धान गरेको थियो । उनी कात्तिक २ गेत काठमाडौंस्थित पार्टी कार्यालयबाटै पक्राउ परेका थिए ।