सुदुरपश्चिमसँग विराटनगर ९२ रनले पराजित

१८ मंसिर, काठमाडौं । नेपाल प्रिमियर लिग (एनपीएल) मा विराटनगर किंग्सले दोस्रो हार ब्यहोरेका छ ।एनपीएल सुरू भएको तेस्रो दिनको पहिलो खेलमा सुदूरपश्चिम रोयल्सले विराटनगर किंग्सलाई ९२ रनले पराजित गरेको हो ।

त्रिभुवन विश्वविद्यालय, किर्तिपुरस्थित क्रिकेट मैदानमा सुदूरपश्चिमले दिएको १८३ रनको लक्ष्य पछ्याएको विराटनगर किंग्स १६ ओभर एक बलमा ९२ रनमा सीमित हुन पुगेको हो ।

टस हारेर पहिले ब्याटिङको निम्तो पाएको सुदूरपश्चिमले निर्धारित २० ओभरमा ७ विकेट गुमाएर १८२ बनाएको थियो । यसअघि विराटनगर जनकपुर बोल्टससँग पराजित भएको थियो, जुन खेल उद्‍घाटनका दिन खेलिएको थियो  ।