पत्रकार महासंघको निर्वाचन मंसिर २८ गते, निर्वाचन कार्यतालिका सार्वजनिक

काठमाडौं, १८ मंसिर : लामो समयदेखि पटक-पटक निर्वाचनको मिति तय हुँदा पनि हुन नसकेको नेपाल पत्रकार महासंघकाे निर्वाचन मंसिर २८ गते हुने भएको छ ।

मंगलबार महासंघले निर्वाचन कार्यतालिका समेत सार्वजनिक गरेको छ।  सार्वजनिक कार्यतालिका अनुसार यसै साता अर्थात् मंसिर २१ गते शुक्रबार उम्मेदवारको मनोनयन दर्ता हुने जानकारी गराइएको छ।   त्यसैगरी मङ्सिर २२ गते उम्मेदवारको अन्तिम नामावली सार्वजनिक हुनेछ । यस्तै मतदान मंसिर २८ गते बिहान १० बजेदेखि अपरान्ह ४ बजेसम्म चल्ने बताइएको छ।  

प्रदेश समितिको मनोनयन मंसिर २४ गते जिल्ला शाखा र प्रतिष्ठान शाखाको मंसिर २६ गते मनोनयन दर्ता गर्ने गरी व्यवस्था मिलाउन सम्बन्धित निर्वाचन समितिलाई अनुरोध समेत महासंघले गरेको छ।