दुर्गा प्रसाईंलाई हिरासतमा राख्न थप ४ दिन थपियो म्याद

१८ मंसिर, काठमाडौं । सामाजिक सञ्जाल दुरुपयोग आरोपमा पक्राउ परेको मेडिकल व्यवसायी दुर्गा प्रसाईंलाई हिरासतमा राख्न थप ४ दिन म्याद थपिएको छ । उनलाई काठमाडौं जिल्ला अदालतले थप ४ दिन हिरासतमा राखेर अनुसन्धान गर्न मंगलबार प्रहरीलाई अनुमति दिएको हो । 
 
प्रधानमन्त्री केपी शर्मा ओलीको कम्बोडियामा लगानी रहेको भन्दै विवादास्पद सामग्री सार्वजनिक गरेपछि सीआईबीले उनलाई पक्राउ गरेको थियो । साइबर अपराध अभियोगमा उनी मंसिर ४ गते पक्राउ परेका थिए । उनीविरुद्ध सम्पती शुद्धीकरण लगायतका विषयमा पनि अनुसन्धान भइरहेको छ ।