मदन भण्डारी विश्वविद्यालयसँग सहकार्य गर्न प्रधानमन्त्री ओलीको चीनलाई अनुरोध

१९ मंसिर, काठमाडौं: प्रधानमन्त्री केपी शर्मा ओलीले  मदन भण्डारी विज्ञान तथा प्रविधि विश्वविद्यालयसँग सहकार्य गर्न चीनलाई अनुरोध गरेका छन् ।

चीनको पेकिङ विश्वविद्यालयमा आयोजित कार्यक्रमलाई बुधबार बिहान सम्बोधन गर्दै ओलीले चीन सरकार र पेकिङ विश्वविद्यालयलाई यस्तो अनुरोध गरेका हुन् ।

ओलीले  सम्बोधनमा क्रममा भने, ‘म चीन सरकार र पेकिङ विश्वविद्यालयलाई नेपालका मदन भण्डारी विज्ञान तथा प्रविधि विश्वविद्यालयसँग शैक्षिक सहकार्यको लागि अनुरोध गर्न चाहन्छु ।’

नेपाल र चीन प्राचीन ज्ञानका भूमि रहेको बताउँदै ओलीले महान् दार्शनिकहरू र ऋषिहरूका शिक्षाले पुस्तौंसम्म प्रेरित गर्दै विश्वभरि धेरै जीवनलाई छुने काम गरेको समेत बताएका छन् ।