दुबै पक्षका आंशिक विषय समावेश हुने गरी नेपाल र चीनबीच बीआरआई फ्रेमवर्कमा हस्ताक्षर

१९ मंसिर, काठमाडौं ।  नेपाल र चीन सरकारबीच बीआरआई फ्रेमवर्कमा हस्ताक्षर भएको छ । परराष्ट्र मन्त्रालय स्रोतका अनुसार नेपालले तयार पारेको फेमवर्कमा असहमति जनाएको चीनले केही विषयमा संशोधनपछि सहमति जनाएको हो । मंगलबार नेपाल र चिनियाँ पक्षका उच्चस्तरीय भेटवार्ताका क्रममा उक्त फ्रेमवर्कमा हस्ताक्षर हुन सकेको थिए । 

यसपछि बसेको दुई देशका प्रतिनिधिले मध्यविन्दुबाट सहमति खोज्ने प्रयार गरेका थिए । आज बुधबार यसको फेवर्कमा हस्ताक्षर भएको परराष्ट्रको दावी छ । मंगलबार प्रधानमन्त्री केपी शर्मा ओली र चिनियाँ प्रधानमन्त्री ली छ्याङबिचको द्विपक्षीय वार्तापछि ९ बुँदे सहमति र समझदारी–पत्रमा हस्ताक्षर भएको थियो । बीआरआईमा सहमती नभएको भन्दै नेपालमा प्रधानमन्त्रीको भ्रमणको विरोध सुरु भएको थियो । 
 
समझदारीपछि अर्को चरणमा छलफल भएको र सो छलफल पछि नेपाल र चीनबीचको संयुक्त १२ बुँदे वक्तव्यमा बेल्ट एण्ड रोड सहकार्यको रूपरेखा निर्माण गर्न सकेसम्म चाँडो एमओयूमा हस्ताक्षर गरिने बताइएको थियो । सरकारले बीआरआई अन्तर्गत सञ्चालन गर्ने परियोजनाहरू चीनले अनुदानमा बनाइदिनुपर्ने र बिआरआई अन्तर्गत ऋण नलिने नेपालको प्रस्तावमा चीन असहमत जनाएको थियो । 

नेपाल र चीनका अधिकारीहरूबीच बीचको बाटो खोज्ने सहमति भएपछि संयुक्त बक्तब्य आएको र आज बीआरआई फेमवर्कमा सहमती भएको परारष्ट्रले जनाएको छ । छलफलपछि दुवै पक्ष ट्रान्स हिमालयन मल्टिडाइमेन्सनल कनेक्टिभिटी नेटवर्क र ‘फ्रेमवर्क फर बेल्ट एण्ड रोड कोअपरेसन’ को एमओयूमा  हस्ताक्षर गर्न तयार भएका हुन् । दुवै पक्षले नेपाललाई भूपरिवेष्ठित मुलुकबाट भूजडित मुलुकमा रुपान्तरण गर्न बन्दरगाह, सडक, रेलमार्ग, उड्डयन, पावर ग्रिड र दूरसञ्चार जस्ता सहकार्य गर्ने प्रतिबद्धता व्यक्त गरेको बताइएको छ । 

परराष्ट्रका अनुसार चीनले प्रस्ताव गरेको बीआरआई कार्यान्वयन योजनाको र नेपालले प्रस्तुत गरेको फ्रेमवर्कको बीचबाट  सहमति निकालिएको हो । अनुदान वा ऋणमा सहमती भयो भन्ने खुलेको छैन् । सहायता अन्तर्गत चीनले विभिन्न देशलाई दिँदै आएको सहुलियतपूर्ण ऋण नेपालले पनि पाउने सक्ने छलफलमा उल्लेख छ । हस्तक्षरको पूर्णविवरण नआएका कारण कुन फेमवर्कमा सहमती भएको हो भन्ने एकिन भएको छैन् ।बुधबार बिहान दुबै देशका परराष्ट्र सचिवहरूले फ्रेमवर्कमा सम्झौता गरेका हुन्।