चितवनमा रवि समर्थक र प्रहरीबीच झडप,२० भन्दा बढी प्रहरी घाइते

१९ मंसिर,काठमाडौं : राष्ट्रिय स्वतन्त्र पार्टी (रास्वपा) समर्थक र प्रहरीबीचको दोहोरो झडप पछि चितवन तनाव ग्रस्त भएको छ । जिल्ला प्रहरी कार्यालय अगाडि रास्वपा समर्थकले प्रदर्शन गरेपछि प्रहरीले बल प्रयोग गर्दा झडप भएको हो ।  

सुरुमा प्रदर्शनकारीले आफूहरूमाथि ढुंगा प्रहार गरेको प्रहरीको दावी छ । आफूहरूले संयम अपनाउँदा अपनाउँदै ढुंगा प्रहार भएपछि बल प्रयोग गरिएको चितवनका एसपी गौतम मिश्रले जानकारी दिएका छन् ।  प्रदर्शनकारीको ढुंगा लागेर २० भन्दा बढी प्रहरी घाइते भएको एसपी गौतम मिश्रको दावी छ ।

उनका अनुसार प्रहरीले प्रदर्शन नियन्त्रण गर्ने क्रममा लाठी चार्ज गर्नुका साथी पानीका फोहरा र अश्रुग्यास प्रहार गरेको थियो । प्रदर्शनकारीतर्फ पनि दर्जनौं घाइते भएको बताइएको छ। तर यकिन विवरण आएको छैन ।केहीबेर तितरबितर रवि समर्थकले फेरि प्रहरी कार्यालय अघि आएर नाराबाजी सुरु गरेका छन् ।