उपरथीमा बढुवा भएका प्रेमबहादुर पुनलाई दर्ज्यानी चिह्न

१९ मंसिर, काठमाडौं । उपरथीमा बढुवा भएका नेपाली सेनाका प्रेमबहादुर पुनलाई दर्ज्यानी चिह्न दिइएको छ । शान्ति कार्य निर्देशनालयमा कार्यरत सहायक रथी पुनलाई बढुवा गर्न सेनाले मन्त्रिपरिषद्मा सिफारिस गरेको थियो । मंसिर १६ गते उपरथीमा बढुवा गर्ने निर्णय मन्त्रिपरिषद् बैठकले गरेको हो ।

उनलाई बुधबार प्रधान सेनापति अशोकराज सिग्देलले जंगी अड्डामा दर्ज्यानी चिह्न प्रदान गरेका हुन् । उपरथी बाबुराम श्रेष्ठ कात्तिक १ गते अवकास भएपछि रिक्त स्थानमा पुनलाई बढुवा गरिएको थियो । नेपाली सेनामा अर्को पनि उपरथी पद रिक्त छ ।