काठमाडौंमा थारू समुदायले मनाए माघीः फोटोफिचर

१ माघ, काठमाडाैं । काठमाडौंमा बस्दै आएका थारू समुदायले माघेसंक्रान्तिको आज माघी धुमधामका साथ मनाएका छन् । माघे संक्रान्तिको दिन मङ्गलबार काठमाडौंको बसन्तपुर दरबारबाट र्याली सहित टुँडिखेलमा पुगी ‘माघी महोत्सव’को आयोजना गरी थारू समुदायले आफ्नो महानपर्व माघी धुमधामका साथ मनाएका हुन् ।

यसै अवसर पारेर थारू समुदायले आफ्नो संस्कृति झल्कने खालको पहिरनमा सजिएर नाचगानसहितको प्रदर्शन पनि गरेका छन् । माघी महोत्सवमा काठमाडौंमा रहेका सबै आफन्तलाई बोलाएर मिष्ठान्न भोजनसहित शुभकामना समेत आदानप्रदान गरिएको छ ।