ह्यात होटल बन्द

काठमाडौं। मजदुर युनियनको हड्तालको कारण देखाउँदै ह्यात होटल बन्द भएको छ । चुच्चेपाटी–बौद्ध रोडमा रहेको तारागाउँ रिजेन्सी होटल्सले नेपाल स्टक एक्सचेन्जलाई पत्र लेख्दै होटल बन्द भएको जानकारी गराएको छ।

होटल्सले गत जेठ ३० गतेदेखि गैरकानुनी हड्ताल र नाराजुलुसका कारण होटलका सम्पूर्ण सेवा र व्यवस्थापनको प्रशासनिक काम कारवाही प्रभावित भएर होटल बन्द गर्नुपरेको जानकारी दिएको छ ।

होटलले आवश्यक सेवा सुविधा पुर्याउन नसक्ने स्थिती भएकाले रिजर्भेसन समेत बन्द गरिएको जनाएको छ। व्यवस्थापनका अनुसार होटलमा कार्यरत १ देखि ४ तहसम्मका कामदार हड्तालमा उत्रिएका छन्।