आज,भोली र पर्सी प्रमूख र मझौला नदीमा बाढीको जोखिम न्यून

काठमाडौं । नेपाल बाढी पूर्वानुमान महाशाखाले अब ३ दिन नदीमा पानीको बहाव कम हुने बताएको छ । शनिबार आज बिहान महाशाखाले एक सुचना जारी गर्दै शनिबार, आइतबार र सोमबार ठुला तथा साना नदीमा पानीको बहाव कम हुुने अनुमान गरेको हो ।

महाशाखाका अनुसार डडेलधुरा,डोटी,कैलाली,कञ्चनपुर,वर्दिया,बाँके,दाङ,सुर्खेत,दैलेख,जाजरकोट,अछाम र आसपास जिल्लाका चुरे र पहाडका साना नदीमा बेलुका सम्म बहाव उच्च हुने, केहीमा आकस्मिक बाढी हुन सक्ने भएकाले सतर्क रहन आग्रह गरेको छ ।

साथै महाशाखाले १ हप्ता सम्म प्राय नदीमा बहाव बढ्दो क्रममा रहने र त्यसपछि नदीमा बहाव उच्च हुने पूर्वानुमान समेत गरेको छ ।

नदी तटिय क्षेत्रमा रहेका कृषि उपज संभव भएसम्म यही असार २८ गतेभित्र थन्क्याउन समेत महाशाखाले अनुरोध गरेको छ । तटिय क्षेत्रमा गर्नुपर्ने निर्माणको कार्य उच्च सतर्कता साथ अपनाउन सुचना मार्फत महाशाखाले आग्रह गरेको छ ।