दुई महिलाको शव भेटियो

चितवन । चितवनको नारायणी नदी किनारमा दुई महिलाको शव भेटिएको छ । भरतपुर महानगरपालिका–१६ की ३१ वर्षीया कृष्णमाया तामाङ र अन्दाजी ५५ देखि ६० वर्षीय एक महिलाको शव फेला परेको छ । उनको सनाखत हुन नसकेको जिल्ला प्रहरी कार्यालयले जनाएको छ ।

माछा मार्ने क्रममा साउन २२ गते नदीमा बेपत्ता भएकी तामाङको शव सोही स्थानमा फेला परेको जिल्ला प्रहरी कार्यालयले जनाएको छ भने अर्काे शव परीक्षणका लागि भरतपुर अस्पतालमा राखिएको छ ।