माछा मार्ने क्रममा २ को मृत्यु

६ भदौ, स्याङ्जा । स्याङजाका विभिन्न स्थानमा माछा मार्ने क्रममा दुई जनाको मृत्यु भएको छ । मृत्यु हुनेमा फेदीखोला गाउपालिका २, कुखुरेखोलाका ६२ वर्षीय पूर्णबहादुर खड्का र पुतलीबजार नगरपालिका १०, राङखोलाका ४२ वर्षीय मनबहादुर थापा रहेको प्रहरीले जानकारी दिएको छ ।

खड्काको कुखुरेखोलामा जाल हान्ने क्रममा चिप्लिएर मृत्यु भएको र थापाको खोला तर्ने क्रममा खोलाले बगाउँदा डुबेर मृत्यु भएको जिल्ला प्रहरी कार्यालय स्याङजाका प्रहरी नायव उपरिक्षक नविनकृष्ण भण्डारीले जानकारी दिए ।

खड्काको माछा मार्ने क्रममा घर अगाडीको कुखुरेखोलामा र थापाको माछा मार्ने क्रममा पुतलीबजार नगरपालिका ११ र १३ को सिमानाको आँधीखोलामा रहेको गैरिजागर रहमा डुबेर मृत्यु भएको हो ।