रवि लामिछानेको पक्षमा कांग्रेस नेता केसीको टुवीट, अनुसन्धान प्रक्रिया र राज्यसंयन्त्रमाथि नेता केसीको पनि आशंका

९ भदाै,काठमाडौं । शालिकराम पुडासैनी आत्महत्या प्रकरणमा मुछिएका टेलिभिजन कार्यक्रम प्रस्तोता रवि लामिछाने,युवराज कंडेल र नर्स अस्मिता कार्कीको बयान आज सकिएको छ । अहिले दुवै पक्षका करिब ३३ जना वकिलहरुले आआफ्नो पक्षको बचाउ गर्दै जिल्ला अदालत चितवनमा थुनछेक बहसमा भाग लिईरहेका छन् ।

रवि लामिछानेको गिरफ्तारी पह्श्चात चितवन र देशैभरि नारा जुलुस र बिरोधका कार्यक्रम भईरहेका छन् । रविलाई तत्काल रिहा गर्नुपर्ने लगायतका माग राख्दै आज पनि चितवनमा बिशाल प्रर्दशन भईरहेको छ । जिल्ला प्रसाशनले निषेधाज्ञा लगाएता पनि जनस्तरबाट प्रहरी प्रशासन र सरकार बिरुद्ध नाराबाजी भईरहेको छ । सरकार र अदालतले रविलाई फसाउने आशंका गदै जनता सडकमा ओर्लिएका छन् ।

यसै मेसोमा नेपाली कांग्रेसका प्रभावशाली केन्द्रिय सदस्य तथा पूर्वमन्त्री अर्जुननरसिंह केसीले हिजो साँझ टुवीट् गदै सरकारी रवैयाको बिरोध गरेका छन् । सरकार र प्रहरी प्रशासनको अनुसन्धान प्रक्रिया र शैलीप्रति आक्रोश व्यक्त गर्दै नेता केसीले भनेका छन्- “सिद्धान्ततः अनुसन्धान र न्यायिक प्रक्रियामा भीडले प्रभावित पार्नु हुँदैन । तर जहाँ प्रारम्भ नै दुराशय र नियोजित छ,अनुसन्धानकर्ता,राज्यसंयन्त्र माथि नै चरम अविश्वास र शंका छ, त्यहाँ हजारौं जनता स्वस्फूर्त सडकमा आउछन । रविप्रकरण यहि हो । अब न्याय संरक्षणको विश्वास केवल न्यायपालिकामा रहेको छ ।”

जिल्ला अदालतले सम्भवत आज प्रारम्भिक फैसला गर्ने तयारी गदैगर्दाको पूर्वसन्ध्यामा कांग्रेस नेता केसीको आशंकापूर्ण भनाईलाई अर्थपूर्ण रुपमा हेरिएको छ । नेता केसीकाे टुवीट्लाई एक हजारभन्दा बढीले कमेन्ट र रिटुवीट् गरेका छन् ।  सत्तारुढ पार्टीका अधिकांश नेता तथा कार्यकर्ता रविको बिरुद्धमा देखिएको बेला कांग्रेस नेता केसीको रविको पक्षमा सार्वजनिक टिप्पणी आउनुले जनताको आशंकालाई बल पुगेको छ र आन्दोलनलाई नैतिक सर्मथनको रुपमा हेरिएको छ ।