आजदेखि डाइभर्सिटी र गैरआप्रवासी भिसा रद्द

३ चैत, काठमाडौं । नेपालस्थित अमेरिकी राजदूतावासले डाइभर्सिटी भिसा ‘डीभी’ र गैरआप्रवासी भिसा अपोइन्टमेन्ट रद्द गर्ने निर्णय गरेको बताएको छ ।

एक सुचना जारी गर्दै अमेरिकी राजदूतावासले कोरोना संक्रमणले विश्वव्यापी रूप लिइरहेका बेला मंगलबारबाट लागू हुनेगरी भिसाबारे यस्तो निर्णय लिएको हो ।

भिसा आवेदकहरूका लागि कोभिड-१९ सम्बन्धी सूचना २०७६ चैत ४ गतेदेखि लागु हुने गरी काठमाडौँस्थित अमेरिकी दूतावासले डाइभर्सिटी भिसा ‘डिभी’ तथा गैरआप्रवासी भिसाका नियमित अपोइन्टमेन्टहरू रद्द गरेको जनाएको छ ।

कुनै आपतकालीन अवस्था छ भने तत्काल दूतावासमा सम्पर्क गर्न र दूतावासले तोकेको मापदण्डअनुसार आपतकालीन अपोइन्टमेन्टको लागि प्रक्रिया अघि बढाउन दूतावासले भनेको छ ।दूतावासले स्थगन गरिएको भिसा सेवा छिटो सुरु गरिने जनाएको छ ।