भारतमा तीन साता लामो लकडाउन !

१२ चैत्र, एजेन्सी । भारतमा मंगलबार मध्यरातीदेखि तीन साता लामो लकडाउन गरिएको छ । मंगलबार साँझ भारतका प्रधानमन्त्री नरेन्द्र मोदी कोरोना भाइरसको नियन्त्रण र रोकथामका लागी तीन साता लकडाउन गरिएको बताएका छन् ।

लामो लकडाउनसंगै भारतका १ खर्ब ३० लाख मानिस अब बाहिर निस्कन नपाउने भएको भारतीय सञ्चार माध्यमले जनाएका छन् । अहिले भारतमा संक्रमितको संख्या ५ सय नाघेको छ भने १० जनाको मृत्यु भइसकेको छ।

‘भारतलाई बचाउन सबै नागरिक, सबै गल्ली र सबै क्षेत्र लकडाउनमा राखिनेछन्,’ मंगलबार देशबासीको नाममा सम्बोधन गर्दै मोदीले भनेका छन् । स्वास्थ्य अनुसन्धानकर्ताहरुले मध्य अप्रिलसम्म भारतमा १० लाखभन्दा बढी मानिस कोरोना भाइरसको संक्रमणमा पर्ने प्रक्षेपण गरेपछि मोदीले यो घोषणा गरेको भारतीय सञ्चारमाध्यमहरुले जानकारी दिएका छन्।