ताजा अपडेट : विश्वभर कोरोनाबाट मृत्यु हुनेको संख्या ४० हजार नाघ्याे

१८ चैत्र, एजेन्सी । विश्वव्यापी महामारीको रुपमा फैलिएको कोरोना भाइरस ‘कोभिड–१९’ को संक्रमणबाट मृत्यु हुनेको संख्या ४० हजार नाघेको छ।

मंगलबार रातीसम्म संसारभर ४० हजार ७ सय ३५ जनाको कोरोनाको संक्रमणबाट मृत्यु भएको छ भने ८ लाख २८ हजार ३ सय ५ जनामा कोरोनाको संक्रमण भएको पुष्टि भएको छ।

चीनको हुवेई प्रान्तको वुहानबाट सुरु भएको कोरोनाको प्रकोपले नछोएको संसारको कुनैपनि देश छैन। पछिल्लो समय चीनमा कोरोनाको संक्रमण नियन्त्रणतर्फ गएपनि युरोप अमेरिका लगायत संसारभर यसको प्रकोप डरलाग्दो देखिएको छ।

र ताजा अपडेट : कोरोना भाइरसबाट कहाँ कति मृत्यु र संक्रमण ?