विश्वभर कोरोना कारण मृत्यु हुनेको संख्या ८३ हजार नाघ्यो

२६ चैत्र, एजेन्सी । विश्वभर महामारी रूप लिएकाे कोरोना भाइरसका कारण मृत्यु हुनेको संख्या ८३ हजार नाघेको छ । भाइरसबाट झण्डै साढे १४ लाख संक्रमित छन ।

कोरोनाले पछिल्लो समय स्पेनमा धेरै जनाको मृत्यु भइरहेको छ। स्पेनमा यो समाचार तयार पार्दासम्म १४ हजार ५ सय ५५ जनाको ज्यान गएको छ । पछिल्लो २४ घण्टामा मात्रै त्यहाँ ५ सय भन्दा बढी मानिसहरुको मृत्यु भइसकेको छ । १ लाख ४७ हजार ६ सय ९० जना संक्रमित छन ।

सबैभन्दा धेरै इटालीमा १७ हजार १ सय २७ जनाको मृत्यु भएको छ । उता अमेरिका पनि भाइरसबाट १२ हजार ८ सय ५७ जनाको मृत्यु भएको छ । जाँदा फ्रान्समा १० हजार ३ सय २८ जनाको मृत्यु भएको छ ।

यस्तै इरानमा झण्डै ४ हजारको मृत्यु हुँदा चीनमा ३३ सयको ज्यान गएको छ । जर्मनी, नेदरल्याण्ड्स र बेल्जियममा समान दुई दुई हजारको मृत्यु भएको छ । छिमेकी देश भारतमा १ सय ६४ जनाको ज्यान गएको छ भने ५४ सय संक्रमित छन ।

नेपालमा अहिलेसम्म ९ जनामा संक्रमण देखिएकोमा ८ जनाको उपचार भइरहेको छ । एक जना उपचारपछि घर फर्किसकेका छन ।

ताजा अपडेटका लागी यहाँ क्लिक गर्नुहोला :