कोरोनाबाट ९५ हजारभन्दा धेरैको मृत्यु, १६ लाख सङ्क्रमित

२८ चैत्र, एजेन्सी । विश्वव्यापी रुपमा फैलिएको कोरोना भाइरसबाट विश्वभर १६ लाखभन्दा धेरै सङ्क्रमित भएका छन् ।विश्वका दुई सय ९ देश र दुई वटा अन्तराष्ट्रिय पानी जहाजमा कोरोना फैलिँदा १६ लाख ३ हजार ७ सय १९ जनामा सङ्क्रमण पुष्टि भएको छ ।

जसमध्ये यो समाचार तयार पर्दासम्म तीन लाख ५६ हजार ६ सय ५५ जना उपचारपछि निको भएका छन् । त्यस्तै सङ्क्रमित मध्ये ११ लाखभन्दा धेरैको उपचार भइरहेको छ भने साढे ९५ हजारभन्दा धेरैको ज्यान गएको छ । सबैभन्दा धेरै इटालीमा १८ हजारभन्दा धेरैको ज्यान गएको छ । अमेरिकामा गएको २४ घण्टामा १७ सयभन्दा धेरैको ज्यान गएसँगै अहिलेसम्म साढे १६ हजारभन्दा धेरैको ज्यान गएको छ ।

अमेरिकापछि स्पेनमा १५ हजारभन्दा धेरैको ज्यान गएको छ । फ्रान्समा कोरोना सङ्क्रमणका कारण १२ हजारभन्दा धेरैको ज्यान गएको छ । यसैगरी गएको २४ घण्टामा कोरोना सङ्क्रमणका कारण थप ४८ जनाको ज्यान गएसँगै भारतमा दुई सयभन्दा धेरैको ज्यान गएको छ ।

ताजा अपडेटका लागी यहाँ क्लिक गर्नुहोला