लकडाउनमा मयुर यातायातले थाल्यो सेवा

काठमाडौं । लकडाउनको लामो समयसम्म ठप्प बनेका सार्वजनिक यातायात अहिले मौन आन्दोलनमा छन । सरकारले सार्वजनिक गाडी चलाउने निर्णय गरेपनि यातायात व्यवसायी भने नयाँ नयाँ शर्त राख्दै तत्काल गाडी चलाउने तयारीमा छैनन् ।

कुनै बेला यातायात व्यवसायीको यही सिण्डीकेट तोडेको मयूर यातायातले अहिले लकडाउनपछि फेरि आफ्नो सेवा सुचारु गरेको छ । मयुर यातायात कम्पनीका अध्यक्ष मोहन श्रेष्ठले सरकारले तोकेको मापदण्डअनुसार सेवा सुरु गरिएको बताएका छन ।

मयुर यातायातले सोमबारदेखि गाडी चलाउने निर्णय गरेको हो । उपत्यकामा ६ वटा बसमार्फत मयुरले गाडी चलाएको छ । जसमध्ये ४ वटा चक्रपथमा छन । झण्डै ५० वटा बस रहेको मयुरले विस्तारै विस्तारै सबै गाडी चलाउने निर्णय गरेको छ ।