पहिरोले सिद्धार्थ राजमार्ग अवरुद्ध

काठमाण्डौ । पहिरोले अवरुद्ध सिद्धार्थ राजमार्गको बुटवल–पाल्पा सडकखण्ड अवरुद्ध बनेको छ । तिनाउ गाउँपालिका–३ दोभान प्रहरी चौकी नजिकै खसेको पहिरोले सडक अवरुद्ध भएको हो ।

पहिरोसँगै ठूला–ठूला ढुंगा खसेकाले हिजो बेलुकादेखि सडक अवरुद्ध भएको हो । सडक खुलाउने प्रयास भैरहेको प्रदेश ५ का प्रहरी प्रमुख रविन्द्र धानुकले जानकारी दिए ।

लगातारजसो पानी परेकाले पहिरो पन्छाउन नसकिएको उनले बताए । अहिले गाडीको आवतजावत पूर्ण रुपमा बन्द छ ।